MIUBOS na ang mga indibidwal nga nagbaligya og ismagol nga sigarilyo sa lugar nga ginsakopan sa Lagao Police Station.
Kini ang gibutyag ni Police Major Ari Noel Cardos, hepe sa maong presinto dungan sa sunod-sunod sa operasyon batok ismagol nga yosi.
Usa sa nakita niining rason mao ang pagsaka sa awareness sa mga vendor nga bawal ang mamaligya og ismagol nga sigarilyo.
Samtang padayon ang gihimong pagbantay sa otoridad batok sa maong iligal nga aktibidad.
Una nang, gibutyag ni Police Col. Nicomedes Olaivar Jr., director sa GenSan City Police Office (GSCPO) nga misaka na sa milyon ka pesos kantidad sa ismagol nga yosi ang ilang nakumpiska karong tuiga.
Ang mga nadakpan ang gikasuhan sa kapulisan og pagsupak sa Customs Modernization and Tariff Act, butyag ni Olaivar Jr. I Richel Gubalani
–
