Ipapatupad na ang VaxCertPH hindi lamang sa mga overseas Filipino workers (OFWs) kundi pati na rin sa mga indibidwal sa Metro Manila at karatig nitong lugar.
Ito ang sagot ni Department of Information and Communications Technology Undersecretary Emmanuel Caintic matapos na tanungin ni Batanes Representative Ciriaco Gato Jr. sa isang congressional inquiry.
Ang VaxCertPH, na binuo ng DICT at Department of Health (DOH), ay umaasa sa datos na sinusumite ng mga local government units (LGUs) sa pamamagitan ng Vaccine Information Management System.
Isa itong portal upang makapag-isyu ng COVID-19 vaccination certificates sa mga fully vaccinated nang mga indibidwal.
Sa huli, nilinaw ni Caintic na “dry-run” lamang ang mangyayari ngayong buwan ng Setyembre sa NCR at mga OFWs upang mapabuti ang proseso ng pamimigay nito sa bansa.
