Inapok ag tumakilid ro sangka van nga naka-park sa kilid it karsada matapos rayang masagi it sangka bus nga nadueaan it kontrol sa may area it Brgy. Bugasungan, Lezo, Aklan kaina it hapon.
Ginkilaea ro driver it bus nga may biyaheng Madalag-Kalibo vice versa nga si Ricky Madula nga nag angkon it nina sa siki, samtang ro driver it van hay si Boyse Paderes ag residente sa lugar.
Gindaea man ro driver it bus ag driver it van sa Lezo PNP para istoryahan ro natabo nga aksidente. // ANN DESLENE SALAZAR
