Ginapanigyan sang General Alliance of Workers Association (GAWA) dapat may yara sang husto kag nagakaigo nga layi ang gobyerno agud mangin basihan sang mando nga pagsumiter sang Negative RT-PCR test results ang mga impleyado sang Gobyerno kag Pribado nga wala mabakunahan.

Sa interview sang Brigada News Fm Bacolod kay GAWA Secretary General Winnie Sancho gina rekumendar sini sa National Government dapat amindahan sang kongreso ang Republic Act No. 11525 ukon ang COVID-19 Vaccination Law para mangin klaro sa tunga sa Employers kag Employees ang tuhoy sa nasambit nga pulisa. Dugang pa ni Sancho, sa karun dapat hatagan sang ligwa ang mga impleyado sa hambalon sang bakuna bangud ini sila ang maykinamatarong kon indi magbaton sang Vaccination.

Ang pangabay ni Sancho sa mga employers kon kinahanglanon gid ang pagsumiter sang COVID19 Negative Test result sang mga tinawo sini ang kompanya anay ang dapat mabayad tubtub nga maligwat ang nasambit nga layi. Kabahan man sang pangabay ni Sancho hatagan sang mga amo sang atinsyon ang problema medikal sang mga impleyado bangud isa ini sang rason nga indi magbaton sang bakona ang tinawo sini sa pihak sang masupog nga kampanya sang Gobyerno tuhoy sa COVID19 Vaccination.

BrigadaNewsFmBacolod

TheMusicAndNewsAuthority