NAGPADAYON ang vaccination drive sa matag Barangay Rural health Unit sa Gensan dungan sa pagpakusog sa pagbakuna.
Pipila ka Barangay ang nagsugod na og bakuna sa mga bata edad 5-11 anyos ug lakip usab nga gihimo ang pag-adto sa mga panimalay nga anaa sa mga hilit nga lugar alang sa pagbakuna.
Naghangyo ang mga Barangay captain nga magpabakuna na aron dili maglisod og sulod sa mga establisyemento nga nagapangita og vaccination card. Una nang nanawagan si Dr. Fidel Peṅamante labaw sa Philippine Medical Association- Gensan chapter sa publiko nga siguruhon nga makadawat sa bakuna batok Covid-19 aron maproteksyonan ang lawas sa virus. Ug aron matabangan usab ang mga local vaccinators sa pagkab-ot sa target population nga maturokan sa bakuna.
