Bilang parte it pagbalik it mga international ag foreign toursits, ginlunsar it isla it Boracay ro bakuna kuntra sa COVID-19 sa mga botika o ginaturing nga “Resbakuna sa Botika”.
Ginlunsar it mga lokal nga awtoridad ro COVID-19 pediatric vaccination para sa mga unga halin lima hasta 11 dag-on.
Ginhambae ni National Task Force chief implementer ag vaccine czar Secretary Carlito Galvez Jr. nga ro Boracay Island hay sambilog nga modelo sa mga sueondan it pagbakuna nga may masobra sa 100% rate it pagbakuna.
Ginaasahan nga madagsa pa ro mas maabong turista kung naturukan eun it booster shots ro mga residente it isla./JIL B. LACSON
