Dagkong samad sa lawas ang nahiaguman sa usa ka uyuan human sila nagkabingkil sa iyang pag-umangkon samtang nag-inum sa Barangay New Baclayon, Malalag, Davao del Sur kagabii.
Sa imbestigasyon sa Malalag Municipal Police Station giila ang biktima nga si Jonefer Atillo, 45, samtang ang suspek iya rang pag-umangkon nga si Isagani Atillo, 34-anyos nga pulos nahimuyo sa maong lugar.
Sumala pa nga pauli ang biktima atong higayona sa dihang giimbeta og inum og paglabay sa pipila ka higayon kalit matud pa niining gisumbag ang suspek tumong sa iyang dalunggan.
Gumikan sa hitabo mipauli si Isagani apan gisundan gihapon kini sa uyuan og namunal pa og kahoy rason nga didto na matud pa kini giayo’g tigbas sa nagkadaiyang bahin sa lawas.
Tugpa sa ospital ang uyuan aron matambalan samtang ang pag-umangkon sa prisohan kinsa gipasakaan na og kaso. BNFM-Davao
