Uutangon na P200M kan ALECO sa NEA, dae pa siertong maitatao tulos; utang kan presente asin dating kooperatiba sa Albay, uminabot na sa P5B

LEGAZPI CITY – Dai siertong maitatao tulos an uutangon na P200M kan Albay Electric Cooperative (ALECO) sa National Electrification Administration (NEA) dawa pa aprubado na ini sa nakalihis na Annual General Membership Assembly (AGMA) 2024.

Ini segun mismo sa legal counsellor kan ALECO na si Atty Ian Macasinag sa pakikipag-olay kan Brigada New FM Legazpi.

Piglinaw ni Macasinag na igwa pa subuot nin prosesong kaipohan kan board resolution asin dapat na aprobaran sa general membership.

Dugang pa kaini, dae pa man subuot masasabi kun pirang taon babayadan an uutangon sa nasambit na ahensya nin huli ta may proseso pa subuot na kaipohan sunudon.

Mientrastanto, basado man sa report ni ALECO General Manager, Eng. Wilfredo Bucsit, maabot na sa labi P5B an utang kan ALECO asin kan APEC, dating nagtukaw na kooperatiba, kun sain igwa pa nin labi P300M na current arrears an presenteng kooperatiba.

Leave a Reply

Your email address will not be published. Required fields are marked *