KALIBO, AKLAN — Nagapadayun ro imbestigasyun makarun it Kalibo PNP kaangot sa utod nga siki it tawo nga nakit-an kaina it agahun sa baybayon sa Brgy. Pook, Kalibo, Aklan.
Nakit-an ro naga kaagnas nga utod nga siki it tawo it mga mangingisda sa lugar.
Sa interview it Brigada News FM Kalibo kay Brgy. Kapitan Ronald Marte ng Pook, kat makaabot kana ro hitabo hay insigida nana raya nga gin-report sa Kalibo PNP.
Ginapatihan nga naghalin sa sangka amputated nga pasyente ro nakit-an nga siki, ag posible man segun nga manabaw eang ro pagka eubong kara ag bangud sa bumuhos ro mabaskug nga uean kahapon sa probinsya it Aklan rasun nga inanod ro nasambit nga siki. / ANN DESLENE SALAZAR
