GI-INSPECTION ni Mayor-elect Lorelie Pacquiao ang trabaho sa contractor sa usa ka dalan sa Purok Acharon, Brgy. Labangal nga 30-anyos na nga wala masemento.
Subay sa gi-post sa social media nga impormasyon ni Kagawad Boyet Bagatao adlaw nga Dominggo personal nga gitan-aw ni Pacquiao ang pagsugod sa trabaho sa dalan.
Sumala pa nga tulo ka bulan ang target completion sa proyekto lakip sa Purok Balunto ug Doña Soledad, gipa-ulahi daw kini nga mga programa sa kapitana sa iyang tugkaran bag-o nagpapili sa pagka mayor sa syudad.
Gidugang ni Bagatao nga nagapasalamat usab ang mga katawhan gumikan nilagda og Deed of Donation ang pamilya Acharon alang sa proyekto kay 30-anyos na daw nga nagamulo ang mga tawo nga mapasemento ang ilang dalan.
Gidugang pa ni kagawad Bagatao nga ang nagpatuman sa proyekto ang buhatan sa Department of Public works and Highways kon DPWH kay ang pondo gikan sa national pinaagi sa tabang nilang Congressman Bobby Pacquiao ug Senador Manny Pacquiao. I Ver Diazon
Photo by Boyet Bagatao
