GUMIKAN sa usbaw nga P10 sa presyo sa karne sa palengke kausa nalang mopalit sulod sa isa ka semana si Vicky Tiape alang sa ilang pangsud-an. Usahay katunga sa kilo ang iyang ginapalit og subakan na lamang og gulay para sa pamilya.
Tungod mokabat sa P330 ang pinaka-mahal nga presyo sa karneng baboy samtang P130 ang pinakabarato. Misaka usab sa kantidad nga P360 ang karneng baka ug anaa sa P170 ang pinakaubos nga presyo.
Una nang gi-anunsyo sa labaw sa Meat vendors Multipurpose Cooperative sa GenSan ang ilang usbaw nga P10 sa matag kilo sa karne tungod pud sa pagsaka sa presyo sa produktong petrolyo gumikan ginakompra pa ang pinalit nga baboy.
Tungod niini hilabihan nga pag-budget ang ginahimo ni Tiape aron lang makasugakod sa matag adlaw nga pagkinahanglan tungod sa kamahal nga presyo sa mga palaliton. I Enamie Mogpon
