Patay ang usa sa mga driver sa duha ka motorsiklo homan nagkasangitay pasado alas 10 niadtong nakalabayng gabie sa Brgy. San Isidro lungsod sa Calatrava Negros Occidental.
Ang namatay naila sa kapolisan nga si Jose Lumanog, 39 anyos , menyo, laborer, driver sa Suzuki Skydrive 125 kombinasyon sa pula ug itom ug residente sa Brgy. Patun-an sakop sa Calatrava.
Samtang ang driver usab sa Racal 125 nga motorsiklo giila usab sa kapolisan nga si Cleoford Cabaluna, 32 anyos, menyo, usa ka steelman ug nagpuyo sa Brgy. Punao dakbayan San Carlos.
Sa pakighinabi sa Brigada News Team kang Deputy Chief of Police sa Calatrava PNP PCPT Jess Alba nasayran nga si Cabaluna nagsubay gikan sa Secondary Road sa Brgy. San Isidro paingon sa National Highway ug pag abot sa maong dapit kalit nga miliko si Lumanog ug aksidenteng nagkasangitay ang duha ka motorsiklo.
Nakaangkon ug bali sa wala nga paa ug tuong kamot si Cabaluna samtang si Lumanog bali usab ang iyang walang bukton ug daghang abrasion.
Gidala sa Calatava Municipal Hospital ang duha ka mga driver apan ge-refer gilayon sa Bacolod Hospital alang sa dugang nga medikasyon ug pagka-ugma nagpahibalo ang asawa mismo ni Lumanog nga nitaliwan na kini.
Samtang si Cabaluna padayon nga nagpa-alim sa balay tambalanan sa iyang mga naangkon nga mga bali.
Nasayran nga ang duha ka motorsiklo gikostodiya sa Calatrava Municipal Police Station alang sa tukman disposisyon.
