Nasikop sa kapolisan ang usa ka SLI sa gipahigayong buybust operation pasado alas 9 kaganihang buntag sa So. Telim Brgy. Suba, Calatrava, Negros Occidental.
Naila sa kapolisan nga si alyas Alex,21 anyos,ulitawo,walay trabaho ug residente sa Purok Lomboy, Brgy. Bantayanon,sakop sa lungsod sa Calatrava.
Nakuha gikan sa possession ni alyas Alex ang upat ka sachet sa gituhuang shabu nga gibana-banang may gibug-atong 1.20 gramos nga mobalor ug 8,160.00 pesos,usa aluminum foil,duha ka disposable lighter ug 500 pesos nga buybust money.
Sumala pa ni deputy chief of Police,Pcpt.Jess Alba dihang nahinabi sa Brigada News team nga duha na ka semana nilang gimonitor kining suspek ug matod pa gi-alegar nga usa ka notorious nga kawatan ning dakbayan San Carlos.
Sa karon anaa na sa custodial facility sa Calatrava Municipal Police Station ang dinakpan ug mag-atubang sa kasong R.A. 9165.
