SAMARON nga nadala sa Dr. Jorge P. Royeca Hospital ang usa ka sekyu human nga gikulata sa lima ka mga tawo gabii sa Oktubre 8 sa Olarte, Barangay Labangal.
Ang biktima mao si Raymund Arisgado, 39-anyos, adunay live in partner ug nagpuyo sa Purok Estanislao Olarte, aduna kini samad sa ulo, sa nawong ug sa baba human sumala pa gitabangan og kulata sa kalalakin-an gigamitan pa og bakus.
Gidugang sa biktima nga igo lang siya niagi sa dalan gikan sa iyang trabaho apan giharangan sa usa ka tawo unya nitabang ang uban sa pagkulata kaniya.
Sa pagsusi sa Brigada News team wala na sa lugar ang gitudlo nga nangulata,sumala sa chairman sa purok nga si Kits Rendon ang sinugdanan daw sa away mao ang pag away sa usa ka magtiayon unya sa paggawas ni alyas Toto iyang napahimungtan ang sekyu nga niagi sa dalan.
Sumama usab nga nasamdan ang duha mao nga gitugyan sa barangay ang paghusay sa pangulata. I Ver Diazon
