Laing Personahe sa Hotel sa Gensan ang nahinabi sa 89.5 Brigada NewsFM Gensan may kalabotan sa ilang tinuod nga sitwasyon ning panahon sa pandemya unya gihimong Quarantine Facility sa LGU Gensan ang ilang Hotel.
Sumala sa usa ka Receptionist nga nagpailang si Dodo pigado ang ilang sitwasyon karon kay sa 23 ka kwarto nga ilang gina pasudlan og Customer kinse nalang ang naga function gumikan dili na sila makapalit bisan gripo o kaha pag ayo sa aircon unit gumikan walay kita.
Gidugang ni Dodo nga nakisayod usab sila sa katikaran sa Session miaging adlaw nga Martes Nobyembre Dos kon unsay hinungdan nganong nalangay ang pagbayad sa syudad sa ilang serbisyo ngadto sa ma kwarantina.
Sumala kay Dodo dismayado sila gumikan wala pa sila nabayran sa kapin og kulang lima ka milyon ka Pesos nga billing basis a ilang statement of accounts nga ginaduso sa Cityhall aron unta mabayran.
Ang sakit daw sa ilang sitwasyon kay bisan ang ilang kuryente og tubig nagdumili na nga motapal ang ilang amo og gina pasingil sa ilaha ang taga Local Government Unit aron aduna silay ikabayad sa tubig og kuryente og dili sila maputlan og linya.
Daku daw ang ilang bayrunon kay sa tubig naga abot sa kinsemel samtang sa kuryente naga abot sa 180Thousand Pesos,ang ilang Hotel anaa sa City Heights.
Sa karon usa nalang daw ka Returning OFW ang anaa sa us aka kwarto og nagmando na daw ang tag-iya sa Hotel nga dili na sila modawat og ROFWs kay wala pa kabayad ang City.
Gidugang pa ni Dodo nga ang kamatuoran sa ilang ka pigado karon kay sa katurse ka personahe sa Hotel duha nalang sila ang naga duty unya lanagay pa ang sweldo mao nga ilaha gayod ginalauman ang bayad sa lgu Gensan.
Kahibaluan nga kaniadtong adlaw nga martes lang nipatim-aw sa konseho ang taga Mayors Office nga ghitudlong incharge sa mga Hotel og nagpaklaro nga gi indorse sa Special Bac ang papelis apan nagdumili ang Technical Working Group gumikan utang na kini og walay Bid.
Samtang ginasugyot ang pagduso og resolusyon sa konseho nga magtugot sa mayor nga bayaran ang mga Hotel. (Ever Diazon)
