NAMATAY ang usa ka pedestrian human nga nabanggaan subay sa imbestigasyon sa taga Traffic Enforcement Unit.
Sumala sa report kaadlawon kaniadtong Mayo 5, 2023 sa Sarangani Phase 1, Barangay San Isidro samtang palarga na ang usa ka sakyanan naigo ang babaye nga nilabang sa kalsada.
Ang pedestrian naila sa pangalan nga Luz Manansala, 46- anyos nga taga Purok Kaunlaran, San Isidro, nakaangkon kini og mga samad, nadala sa usa ka pribadong tambalanan unya didto usab nabugtuan sa ginhawa.
Sa impormasyon gikan sa TEU aduna nay pasiunang kasabotan ang tag-iya sa sakyanan ug sa pamilya sa nahimong biktima. I Ver Diazon
