PATAY na sa dihang napalgan ang usa ka mananagat sa Lower Puting Bato, Barangay Calumpang, General Santos City Oktubre 15 sa kasamtangan nga tuig.
Sa paghinabi sa Brigada News team kay Guadalupe Barcelona igsoon sa napalgang patay,sumala niini nga gabii pa sa October 14 nakadawat sila og impormasyon gikan sa sekyu sa SBMRC Fishing nga na missing si Jun Dilposo nga ang tinuod pangalan Exequil Dilposo, 59-anyos, ulitawo ug dugay na sa panagat.
Sumala usab sa usa ka opisyal sa fishing nga si Regie Rellon si Limposo ang nakatuka nga bantay sa ilang Light Boat gabii sa Oktubre 14 unya wala sila masayod ug unsay nahitabo ngano nga nawala sa iyang ginabantayan.
Gidugang sa opisyal nga kaniadtong Huwebis nihatud daw si Dilposo sa ilang kauban nga nasakit sa lawud aron matambalan diri sa Gensan.
Samtang igo nalang sa paghilak ang pamilya sa mananagat sumala sa pag umangkon nga si Sharmaine Villaeste nga giisip na niya nga amahan ang iyang uyoan nga si Exequil sa gihang na missing usab ang iyang amahan sa panagat. I Ver Diazon
