NAGPAHIGAYON og clean up drive sa Lion’s Beach ang Asez Wao World Mission Society Church of God Young Adult Worker Volunter Group Disyembre 3 sakasamtangan nga tuig.
Sumala kay Labegail Jane Aspiras gikan sa Barangay West nga makapila ka higayon na siya nga nakaapil sa clean up drive ug malipayon siya nga makatabang sa pag amping sa kinaiyahan.
Sumala usab kay Shakiza Angeli Sabuelo gikan sa Barangay Labangal nga angayan lang nga huna-hunaon ug masabtan sa mga kabataan ang paggahin sa oras sa mga clean up drive ug uban pang gimbohaton alang sa kinaiyahan.
Niapil usab sa clean up drive ang kapulisan ug taga Bureau of Fire Protection nga gihimo alas 10 sa buntag adlaw nga Dominggo.
Nagpasalamat usab ang labaw sa komitiba sa kinaiyahan sa Barangay South nga si Jun Aponesto kay napili ang ilang dapit sa maong grupo alang sa paghinlo. I Ver Diazon
