WALA dayon naka report sa ilang trabaho ang pipila ka mga amahan nga nagpuyo sa Lower Bayan, Alabel ug sa Purok 8, Baluntay, Alabel aron mabutang sa sigurado ang ilang tagsa ka pamilya.
Sumala kay Rolito Belmoro nga moadto unta siya sa iyang trabahoan sa Baluan apan wala siya nagduty gumikan nitaas ang tubig baha sa Maribulan River ug sa Buayan River.
Tungod niini usa siya sa naabtan siya sa Brigada News Team nga nagabantay sa tubig baha.
Samtang usa ka driver nga si Ado Escabosa, wala dayon naka report sa trabaho nga pagmaniho og sakyanan gumikan nanghikling sila lakip ilang mga silingan.
Kahibaluan nga sa kasamtangan nagapadayon ang paghimo sa concrete revetment sa ubos sa Buyan River human nga nadaut ang unang dike, proyekto kini sa taga Department of Public Works ang Highways sa kantidad og P505 Million ug takda nga mahuman Septembre 7,2023. I Ver Diazon
