Nababahala si US President Joe Biden sa magiging sitwasyon sa Gaza kapag hindi nagkaroon ng ceasefire bago magsimula ang Ramandan.
Ayon kay Biden magiging lubhang delikado ang Israel at Jerusalem kapag walang ipinatupad na tigil putukan.
Sinabi ng Presidente na nasa kamay na umano ng Hamas kung magkakaroon ng ceasefire dahil nakikipagtulungan naman ang Israel sa pagkakaroon nito.
Dismayado naman si Biden sa Hamas dahil sa pagpigil ng peace talks at ilang kondisyon nito gaya ng pagpapalaya sa mga hostage.