Arestado ru driver it tricycle nga aksidenting bumangga sa naka motorsiklong myembro it Aircraft Rescue and Fire fighting (ARFF)-Caticlan sa Brgy. Old Buswang, Kalibo, Aklan.
Nakilaea ru driver nga si Christopher Quindo, 31 anyos ag residente it Brgy. Buswang, Kalibo, Aklan.
Na aresto ru driver sa residensya mismo it anang byanan nga si Luduvico Pastra.
Aminado man ru driver nga imbolbado imaw sa aksidente kabie.
Sa makaron, padayon pa ru imbistigasyon it Kalibo Municipal Police Station sa driver it tricycle.
Kun matandaan, aksidenting nabangga it tricycle patay ru motorisiklong gina maneho it biktima nga si Daryl Silva, 26 anyos, residente it Brgy. Bakhaw Sur, Kalibo, Aklan.
Maga liko eon konta sa waea sa interior road paadto sa Bakaw Sur Kalibo ru tricycle kat natabo ru aksidente.
Nag-angkon it patal nga igo sa ueo ru biktima ag nina sa uyahon dahil sa mabaskog nga impact dahilan it pagkamatay ku biktima samtang gina bueong sa hospital.//MARIVIC Y. ILIN
