Gin komperma it Aklan Provincial police Office (APPO) nga myembro it New People’s Army (NPA) nga Coronacion Chiva Waling-waling Command ru suspek nga nag extorsion sa daywang mga negosyante sa Brgy. Calangcang, Makato, Aklan.
Base sa gin paguwa nga Press release it Aklan PPO, ru suspek hay nakilaeang si Prince Egudas, sa legal nga edad, sangka Communist Terrorist Group (CTG) member ag residente it Tapaz, Capiz.
Samtang, nagbilin si PCol Victorino Romanillos, Acting Provincial Director it Aklan Provincial Police Office (APPO) sa mga kapulisan ag publiko nga naga padayon ru peace and order nga sitwasyon sa probinsya.
Nagpasigurado ru mga kapulisan sa mga Aklanon nga ru natabong incidente it pagka dakup it gina turong myembro’t NPA hay indi maka apekto sa safety ag siguridad it Aklan.
Kun matandaan, ru suspek hay naghimo it extorsion sa nasambit nga municipalidad nga hana konta nga magsukoe sa mga otoridad nga may daeang granada rason nga binaril it pulis sa tuo nga tuhod agud maparalisa.
Sa makaron, presenting naka hospital arrest ru suspek ag padayon pa ru tul-id nga imbisitgasyon it mga otoridad kaeakip ru kaibahan nga babayeng presenting naka custody sa Makato MPS.//MARIVIC Y. ILIN
