Nag spark nga carburador ru naging dahilan it pagkasunog it modified nga motorsiklo sa Sitio Pupos Brgy. Poblacion Altavas, Aklan.
Suno kay SFO2 Cris Jojie B Ureta, Assistant Municipal Fire Marshal it Altavas Fire Station sa BRIGADA News FM Kalibo, gina panag-iyahan ni Nino Andrade, 21 anyos it nasambit nga lugar.
Gin hueam eamang ni Rednie Matalo, 19 anyos ru nasmabit nga modified muffler nga motrsiklo para mag warang –warang sa lugar.
Apang, indi mag-andar rason nga anang gin sinipa it haeos pilang minutos hasta nga nag spark ag nasunog ru motorsiklo.
Swerte eang nga lumiksi ru driver rason nga nasalbar ru biktima.
Nasunog ru hose halin sa tangke paadto sa engine rason nga sumiklab ru kaeayo.
Eagi man nga natapna ru kaeayo matapos gamitan it fire extinguisher nga gin hueam ni Ureta sa sangka gasoline station maeapit sa lugar.
Naga balor it P2,000 ru damage nga hatud it sunog.//MARIVIC Y. ILIN
