DILI na mahimong mag-disburse og public funds ang LGU sugod Marso 25 hangtud Mayo 8.
Kini ang nahimong pagpaklaro ni Atty. Jose Vilanueva, Assistant Regional Director sa Comelec-12 nga kung idayun gayud ang pag-disburse og pondo alang sa pagpapalit og goods, kinahanglan unang mukuha og certificate of exemption gikan sa Comelec Manila.
Mahimong ipasa sa campaign finance o law office sa Comelec national ang maong exemptions o mahimo usab sa comelec.gov.ph ipaagi ang request.
Ang tumong matud pa niini aron malikayan nga gamiton ang pondo alang sa kandidatura sa kinsa mang pulitiko nga anaa sa poder.
Una nang giduso sa LGU ang P25 million nga pondo aron ipalit og bugas aron gamitong insentibo sa mga magpabakuna.
Hangyo na lamang usab ni Villanueva nga i-hold na lang usa ang unsa mang disbursement panahon sa eleksyon tungod madugayan pa gihapon nga makakuha og certificate og exemption.
