New People’s Army (NPA) ru gina turo nga suspek sa massacre sa pamilya Fausto sa Himamaylan City, Negros, Occidental.
Sa Press conference it Provincial Task Force ELCAC nga gin pangunahan ni Governor Eugenio Lacson, Philippine National Police ag 303rd Brigade Phil. Army, gin pahayag nga mga rebelde ru suspek base sa natipon nga testimoniya halin sa mga testigo ag ebidensya.
Base sa sangka judicial affidavit, kapin 15 ka rebelde ru naghimo it krimen.ng apositibong na identify it mga testigo.
Nagapati si P/Lt. Col.Reynante Jomocan, hepe it Himamaylan City PNP nga vital ru rebelasyon it mga testigo bangud nakita nanda ru pagpatay.
Samtang, gin pasiguro ni Negros Occidental Police Provincial Office Director P/Col. Leo Pamitan nga ubrahon nanda tanan pati it mga kaibahan ru gobyerno agud mapasabat ru may kahimuan it brutal nga pagpatay sa mga biktima.
Gina hueat pa ru resulta it ballistic examination it mga basiyo it mga bala nga na recover ag kamana man ru autopsy report agud mapasaka ru kaso kontra sa mga suspek.
Kun matandaan, brutal nga gin pamatay pinaagi sa pagbaril ru pamilya Fausto nga sanday Rolly Fausto, 52 anyos (amay) ag Emilda Fausto, 49 anyos (ina) kaibahan ru 2 mga menor de edad nga mga unga edad 15 ag 11 anyos.//MARIVIC Y. ILIN
