Naga-abot sa mas o minus P21M nga damage hatud it nasunog nga warehouse sa Sitio Cagban Brgy. Manoc-manoc Boracay, Malay, Aklan kahapon.
Sa initial nga imbistigasyon it BRIGADA News FM Kalibo, gina panag-iyahan ni Marvin Vasquez ru nasunog nga warehouse nga may sueod nga mga pintura ag iba pa.
Kun matandaan, nalisdan sigun ru mga bombero nga maka sueod sa area bangud sa makitid nga aeagyan.
Naubusan pa sigun it tubi ru pilang ka mga tanke it Bureau of Fire Protection nga nag responde sa sunog.
Nadaeahig pa ru sangka cottage nga himo sa light materials nga gina panag-iyahan it sangka foreign national.
Maswerte nga uwa man sigun nga uwa it may naninahan sa insidente sa pagresponde it BFP Boracay, BFP Malay, MDRRMO-Malay, Malay MPS ag iba pa.//MARIVIC Y. ILIN
