Kandila angginapatihan nga mainit nga extension wire ru naging dahilan it pagkasunog it daywang panimaeay sa magkaseparar nga lugar sa Kalibo.
Sa interview it BRIGADA News FM Kalibo kay SFO4 Ricky Piolo, Deputy Fire Marshall it Bureau of Fire Protection (BFP)-Kalibo, nalipatan ru nakasinding kandila sa altar ru dahilan it pagkasunog it baeay ni Mayfie D. Briones it Brgy. Briones, Kalibo, Aklan.
Sa pagcheck it BFP-Kalibo, gin kaon it kaeayo rason nga uwa gid it nabilin sa baeay nga himo sa light materials ag naga-abot sa P10K ru danyos nga hatud it sunog.
Samtang, totally damaged man ru panimaeay ni Lowelyn P. Inan it Brgy. Andagaw, Kalibo 15 minuto matapos ma fire out ru sunog sa Brgy. Briones, Kalibo, eagi man nga nag responde ru mga bombero sa Brgy. Andagaw, Kalibo, Aklan.
Gina patihan nga halin sa naga init nga wire extension naghalin ru sunog pero papadayon pang gina diskobre kun electrical in nature pero nag promesa man ru BFP-Kalibo nga maga buoe gihapon sanda it ebidensya angot kara.
Naga-abot man sa P9,100 ru kasamaran nga hatud it sunog.
Padayon gihapon gihapon ru pagpadumdom it BFP-Kalibo sa publiko ru siguridad it panimaeay ag bilog nga palibot.//MARIVIC Y. ILIN
