Naga padayon sa pakaron ru maid-id nga imbisitgasyon it Balete Municipal Police Station sa pagbaril patay it riding in tandem sa Sitio Maeobog, Brgy. Calizo, Balete, Aklan kahapon.
Sa initial nga imbistigasyon it Balete Municipal Police Station, nakilaea ru biktima nga si Raphael Bautista, residente it nasambit nga lugar.
Naka angkon it tama’t pag baril sa ueo ru biktima dahilan it gulpihan nga pagkamatay.
Suno sa mga residente, naka suksok it short pants, blue jacket nga may pangaean nga AKELCO ag bonnet, angkas ru sangka uwa makilaeang eaeaki nga suksok man ru maitom nga jacket ag bonnet.
Na recover it mga kapulisann sa crime scene ru 1 basyo it caliber .45 na baril, ag 1 bala.
Eagi man nga gin daea sa hospital ru biktima apang gin deklara it doctor nga dead on arrival.
Samtang, padayon pa nga gin ausoy it mga otoridad ru mga suspek matapos makatakas sa lugar.//MARIVIC Y. ILIN
