Nagguwa eon ro autopsy report sa bangkay it sangka eaeaki nga nasapwan nga naga kaagnas sa sangka maligwin nga lugar sa Brgy. Cabangahan Madalag, Aklan ku Enero 4.
Sa autopsy report, nakitang may tama it tatlong bala it baril sa eawas ro biktimang si Noel Nervar Nadate 56yo ag residente sa nasambit nga lugar.
Sa likod ro tama kara nga eumapos sa prente it anang eawas.
Sa makarun hay padayun gihapon ro imbestigasyun it mga otoridad sa insidente ag kung sin-o ro responsable sa kremin. / ANN DESLENE SALAZAR