3 ru bag-ong namatay sa kaso’t COVID-19 sa Aklan kahapon, January 21.
Sa datos it Provincial Epidemiology and Surveillance Unit (PESU)-Aklan, ru mga namatay hay halin sa Kalibo, Numancia, ag New Washington.
Sumaka eon sa 64.79% ru positivity rate it COVID-19 su bilog nga probinsya.
Sa gin paidaeom nga swab testing sa 196 individual, 127 kara ru nag positibo sa deadly virus.
Samtang, naga-abot sa 166 ru bag-ong naka recover sa Aklan.
Sa makaron, naga panguna ru Numancia sa may pinaka abo nga kaso’t COVID-19 nga naga-abot sa 22 kaso.
Gin sundan it Kalibo: 19; Ibajay-17; Batan: 16; Malay: 13; Madalag: 10; Malinao: 8; New Washington: 7; Nabas: 6; Lezo : 4; Altavas, Balete, Banga, Makato, ag Tangalan nga may tag- 1 nga kaso.//MARIVIC Y. ILIN
