Basilan Province – Muerto el un soldao, mientras uno el irido despues rebenta el un Improvised Explosive Device o IED na Temporary Checkpoint ayer Aga na Campo Uno, Ciudad de Lamitan.
Asegun con el Western Mindanao Command Acting Commander Major Gener Genoroso Ponio, uno el ya muri ,mientras uno tambien el ya sale irido desde na miembro del 68th Infantry Battalion na incidente.
Base na initial investigastion del otoridad, antes del explosion , tres maga desconosidos persona el abordo na un Color Negro Honda XRM el ya puede columbra na lugar ,cuando ya socede el incidente, donde uno na maga suspechao el quien asegun ya tira con el uno del mga soldao usando el calibre 45 pistola y ya handa pa hala con el service firearm del mga soldao como el R4A3 Rifle con M203 grenade Launcher.
Despues del incidente insiguidas ya escapa el mga etchor para na direction del Barangay Cabobo na mencionao Ciudad.
Con el dos victima soldao ya puede identifica amo canda Corporal Cyrus Bunda 32 anios y si Private Army Vember Basco 23 anios ambos mga miembro del 68th Indantry Battalion.
Asegun con el Commander del Joint Task Force Basilan Brigadier General Domingo Gobway el diila tropa hace todo espuerso para asisti con mga police para na conducta del ondo invetigation para puede sabe el identification del mga suapechao lo mismo el Pursuit operation contra con mga etchor.
Despues el incidente con el dos mga soldao insiguidas ya lleva na un Hospital na Ciudas de Lamitan y ayer pasada alas 12:30 del medya dia con mga irido soldao ya man arilift para na Camp Navarro General Hospital na WestMinCom Aqui na Ciudad de Zamboanga, pero cuando ya llega na Hoapital ya declara con el uno del mga soldao Dead on Arrival.
Mientrastanto si Ponio ya dale directiva con su mga personahes amo para continua conduci el pursuit operation contra con estos mga suspechao.( BNFM Zamboanga)