Apat na araw bago ang halalan, nangunguna pa rin ang UniTeam o ang tambalang Bongbong Marcos at Inday Sara Duterte sa survey ng OCTA Research.
Sa ipinalabas na ‘Tugon ng Masa Survey’, 58% ng mga Pilipino ang nagsasabing iboboto nila si BBM.
Mas mataas ito ng isang por siyento sa survey ng OCTA noong nakaraang buwan.
Sumunod naman si Vice President Leni RObredo na mayroong 25% preference – 3% na mas mataas sa previous survey ng OCTA.
Bumaba naman ng 1% si Manila Mayor Isko Moreno na nakakuha ng 8%; Senador Manny Pacquiao na mayroong 7%; at Senador Ping Lacson na mayroong 2%.
Samantala, 56% naman ang nakuha ni Davao City Mayor Sara Duterte para sa vice presidential race.
1% ito na mas mababa sa nakaraang survey ng OCTA.
Sumunod si Senate President Tito Sotto na nakakuha ng 22%; Senador Kiko Pangilinan na may 16%; Doc Willie Ong sa 4%; at House Deputy Speaker Lito Atienza na mayroong 1%.
Isinagawa ang survey mula April 22 hanggang 25 sa 2,400 respondents at ±2% margin of error.
#
