LEGAZPI CITY – Nakakaapektar man su boot an kondisyon asin sitwasyon sa trabaho o workplace sa salud kan lambang empleyado.
Sa intrevista kan Brigada News FM Legazpi kay Dr. Monrey Isaiah Mancilla, head of Non-Communicable Disease and Health Promotions kan Department of Health (DOH) Bicol, tinawan-doon kaini na pwedesir makaapektar sa mga empleyado an workplace na bako healthy.
Segun saiya, ini an rason kun nata ikinondusir kasuudma an Convention of the Implementation of Healthy Workplaces sa Hotel St. Ellis, Legazpi City.
Katakod kaini, kaibahan sa pigtawan-doon sa aktibidad an mga komon na naeeksperyensyahan kan mga empleyadong Pilipino arog kan pagkulog kan lawas o musculoskeletal disorders, hypertension asin mental health problems, kaya an tamang kapaagihan nganing matawan nin importansya an salud ninda iyo an pagtataong kaaraman manungod digdi.