LEGAZPI CITY – Nakatalaan tawan nin pagbisto kan Provincial School Board (PSB) an mga student-athletes sa probinsya kan Albay na matrayumpong naglaban sa Palarong Bicol 2024.
Segun kay Albay Division Sports Officer Dan Murillo, iyo ini an mga student-athletes na nagrepresentar kan Albay Division sa Palaro na nagtapos sa ikaduwang puwesto kumpara sa ikaanom na puwesto kan nakalihis na taon.
Kun magigirumduman, sa kabilugan, nakua kan Albay Division an 215 na mga medalya hale sa manlain-lain na mga sports events, kaiba na an 70 gold, 69 silver, asin 76 bronze.
Sa ngonian, padagos na pig-aadalan kan PSB an pagtatao nin insentibo sa nasambit na mga atleta para sa dakolang onrang itinao kan mga ini sa probinsya.
