Makarun nga dag-on hay gintinguha it Aklan Provincial Government nga maibalik ro Gobyerno sa Baryo Program (GSB) para sa mga Aklanon.
Matapos ro unang pagbisita sa mga barangay, ginkasugtanan nga ipatigayun ro pinaka-unang GSB makarun nga dag-on sa Polo Elementary School, Polo Banga, Aklan.
Bilang kaparte it nagapadayun nga pagpahaum, bumisita kahapon ro mga representante halin sa Provincial Governor’s Office – Special Projects Division, Provincial Health Office, DRSTMH, PGSO, ag Barangay Affairs Office sa nasambit nga lugar para sa pagplastar ag pagpili it puwesto sa kada serbisyo. / ANN DESLENE SALAZAR
