Gikasa na sa Provincial Government sa Misamis Oriental pinaagi sa Provincial Health office sa pagpanguna ni Provincial Inter-Agency Task Force Chief Dr. Jerie Calingasan ang unang adlaw sa booster shot vaccination nga gipahigayon sa Provincial Capitol Compound-Vaccination Center.
Misaksi sa maong bakunahan si Provincial Governor Yevgeny Bambi Emano ug mipasalamat sab kini sa mga vaccines nga interesado ug wala magduha duha og dawat sa booster shot.
Mapasalamaton sab ang mga vacinees sa Kapitolyo Probinsyal tungod sa oportunidad nga mahatagan sila sa dugang proteksyon batok sa COVID-19.
Kahibaloan nga karon nga semana, ang schedule sa booster shot lauman nga mulungtad hangtod sa Enero 6 ning tuiga.
