KORONADAL CITY – ARESTADO ang isang magsasaka sa manhunt charlie operation na isinagawa ng mga otoridad kahapon ng hapon sa Purok Cadidang, Barangay San Jose, Koronadal City.
Kinilala ng Koronadal City PNP ang nahuling suspek na si Ain Mark Cerbas Cadungog, alias Ian Mark Cerbas Cadungog and alias “Monmon”, most wanted umano sa city level, 25-anyos, isang magsasaka, at residente ng nabanggit na lugar.
Inaresto ito sa kasong murder base sa warrant of arrest na inilabas ng Regional Trial Court, 11th Judicial Region, Branch 42, Koronadal City. Walang piyansang itinakda ang korte sa kaso nito.
Sa ngayon, nasa kostudiya na ito ng Koronadal City PNP.
