NABALAKA ang health authorities sa rehiyon-12 sa ubos nga vaccination rate alang sa mga bata edad duha hangtud tres anyos.
Matud ni Dr. Arestides Concepcion Tan, director sa Department Health (DOH) 12 naa lang sa 75% ang vaccination rate sa rehiyon itandi sa 95% nga target mabakunahang bata.
Usa sa rason nga nakita niya mao ang padayong kahadlok sa mga ginikanan nga pabakunahan ang anak gumikan sa Dengvaxia controbersy.
Hinungdan nga giawhag ni Tan ang mga local government unit (LGU) nga mopasar og ordinansa nga mag-awhag sa mga ginikanan nga pabakunahan ang ilang anak.
Sa karon catch-up immunization ang gihimo sa DOH-12 aron mabakunahan ang mga bata batok measles, polio ug tipdas. I Richel Gubalani
