GISIGURO sa mga opisyal sa Soccsksargen nga walay bahad sa seguridad ang rehiyon. Dungan sa taliabot nga filing of Certificate of Candidacy (COC) sa Oktubre alang sa 2025 midterm election.
Ang pamahayag sa opisyal ang dungan sa gihimong Regional Peace and Order Council (RPOC) meeting sa usa ka hotel sa GenSan.
Matud ni South Cotabato Governor Reynaldo Tamayo, chairman sa RPOC-12 walay bahad sa seguridad sa rehiyon.
Apan gipaniguro ang pagpangandaman sa otoridad alang sa ilatag nga seguridad sa filing sa COC.
Samtang nagpaklaro usab atol sa RPOC meeting si Sultan Kudarat Governor Datu Pax Ali Mangudadatu nga dili ang probinsiya ang tinubdan sa kagubot sa rehiyon.
Sama sa mga nagkatag nga mga estorya nga gikan sa maong probinsiya ang pipila sa mga indibidwal nga gitudlong dunay kalabutan sa kriminalidad ug terorismo.
Ang RPOC ang gitambongan sa regional director sa PRO-12, director sa Department of Interior and Local Government, Armed Forces of the Philippines, local chief executive ug ubang opisyal sa national agencies. I Richel Gubalani
