GIMANDU health authority sa mga health officers nga ipadayon ang hugot nga surveillance batok mpox o monkeypox. Kini dungan sa pagsaka na sa lima sa natalang kaso sa mpox sa Pilipinas nga sagad walay travel history gawas sa nasud.
Matud ni Dr. Aristedes Concepcion Tan, director sa Department of Health (DOH) 12 gipakusgan nila ang gihimong surveillance.
Partikular na sa lugar asa daghan og mga tawo nga vulnerable sa maong sakit sama sa immunocompromised.
Gikaengon niini nga makatakod ang mpox pinaagi sa intimate o skin-to-skin physical contact sa infected o kontaminadong materyal.
Sagad sa sintomas niini mao ang skin lesions, kalintura, sakit sa ulo, sakit sa lawas ug likod lakip ang pagkaluya.
Dugang ni Tan kung dunay makita nga susamang sintomas ang Public Health authorities gilayong magpahigayon og sampling collection alang sa confirmatory testing. I Richel Gubalani
