ANAA pa gihapon sa evauation period ang Technical Working Group sa dakung proyekto kalabot sa CCTV ug Traffic Signalization System.
Sa kumpermasyon ni Atty Marithes Taniegra gikumperma niini nga sa karon anaa pa sila sa evaluation sa mga papelis nga gi-submit sa mga bidders.
Sa karon usa palang ka bidder ang ilang nahuman ug aduna pay duha ka bidder ang ilang lantawon.
Gipasiguro usab ni Taniegra nga ilahang ginahimo ang ilang trabaho, kay sa mga papelis nga ilang ginatan-aw sama sa Certificate of Completion sa contractor, ilaha gayod kini nga gina-validate sa lugar nga nag-isyu basin kon dili tinuod ug naghimo himo lang og certificate ang contractor unya walay katako sa paghimo sa proyekto.
Kahibaluan nga nahimong kontrobersiya ang proyekto sa CCTV ug Traffic Signalization gumikan sa pagkatangtang sa labaw sa Technical Working Group ug sa kadako sa pondo sa mao nga proyekto nga magamit pa sa ubang mas gikinahanglan sa katawhan sa GenSan. I Ver Diazon
