Kampante ang Regional Inter-Agency Task Force 11 on COVID-19 nga dili maapektuhan ang tourism industry sa rehiyon sa implementasyon sa Uniformed Border Control.
Sigon kang RIATF-XI on COVID-19 chairman ug Department of Interior and Local Government regional director Alex Roldan, walay gibawal ang tourism activities sa maong polisiya basta makapakita lang sa dokumento nga gipangayo sa mga LGU’s nga mao ang 72-hour negative RT-PCR test result.
Sayod matud pa ang opisyal nga usa ka employment generator ang turismo ug buot sa gobyerno nga nga buhion pagbalik ang sektor gikan sa epekto sa pandemya apan gihingsugan nga kinahanglan usab dunay ipatumang kontrol aron dili masayang ang paningkamot batok COVID-19.
Gitataw usab niini nag magdepende sa mga local government units (LGU) ang pagpatuman sa polisiya.
Kalabot niini, giadpot na sa City Government of Davao ang guidelines nga gipagawas sa RIATF ug gitakadang sugdan ang implementasyon karong Mayo 14, 2021. Hugtanon kiningh ipatuman sa mga byahero nga musulod agi sa Marilog District nga mao ang entry point sa rehiyon gikan sa Arakan, North Cotabato ug Bukidnon.
