Magapauli nga madinalag-on si Mary Humbeline Horneja nga tumandok sang Dao, Capiz matapos ginkilala bilang multi-gold medalist, multi-division champion of the world, kag semi-finalist sa Vocal Self Accompaniment, Age 25-29, sa 27th Annual World Championship of Performing Arts sa California, USA nga ginhiwat sang tinalikdan nga Hunyo 28 tubtob Hulyo 6. 2024.
Nasukbit sini ang pagkilala bilang World Division Champion sa Vocal Self Accompaniment sa Gospel, Latin, Original, kag Rap Categories, samtang gold medalists naman sa Broadway, Gospel, Latin, Original Works, Rap, kag R&B/Soul/Jazz, kag nangin semi-finalists.
Nahibaluan nga isa Horneja sa 67 ka mga delegado sang Team Philippines nga nagpapaindis-indis kontra sa masobra 60 ka pungsod sa nagkalainlain nga kategorya sa ginakabig nga ‘Talent Olympics’.| Frances Joy Preciosa
