Pormal na nga ginbuksan sa publiko ang historical marker sang makasaysayan nga “Battle of Balisong” sang tinalikdan nga Hunyo 3, 2024 sa Brgy. San Esteban, Pilar, Capiz.
Ang Battle of Balisong sang Hunyo 17, 1898 isa ka memorable kag maragtason nga natabo sa kasaysayan sang pungsod Pilipinas kun sa diin sa pagpamuno ni Heneral Juan Arce nagpakigbato kag gindepensahan ang Capiz agud maangkon ang kahilwayan batuk sa manugpigos nga mga kastila.
Ang unveiling of historical marker ang gintambungan sang nagkatuhay nga ahensya kag opisina sang lokal nga pagdumalahan sang Pilar kag Capiz Provincial Government sa pagpanguna naman sang Provincial Tourism and Cultureal Affairs Office (PTCAO).| Ken Mark Gicalde
