Nakadawat ang tulo ka tunghaan sa Elementarya ug STARBOOKS-ready computer units ang Nabataan Elementary School, Katiclan Elementary School ug ang Ansulag Elementary School niaging adlaw.
Kini nga mga computer units nagikan sa DOST-Science and Technology Information Institute ug BPI Foundation, Inc. atol sa turnover ceremony nga gihimo sa San Carlos City School Division Office.
Nakadawat usab kagahapong adlawa Mayo 15 ang Colegio De Santo Tomas Recoletos ug STARBOOKS -ready computer units na gikan sa BPI Foundation, Inc.
Kini nga programa kabahin sa “Kasama Lahat sa Pag-unlad” advocacy sa BPI Foundation ug ang misyon sa DOST-STII sa pagpalapnag sa mga kahibalo sa siyensya, teknolohiya, ug inobasyon pinaagi sa STARBOOKS. Ang maong proyekto nagtinguha nga mahatagan ug libreng access sa state-of-the-art ang mga learning resources, 30 ka mga eskuwelahan sa mga lagyo nga lugar sa Pilipinas.
Ang mga kahimanan makatabang sa mga estudyante nga makakuha ug mas daghang impormasyon ug kahibalo nga mapalambu ang ilang kahanas sa siyensya ug teknolohiya. Sa paghatag sa mga computer units, mas mapadako ang kalidad sa edukasyon sa mga estudyante sa mga remote nga lugar sa Negros Occidental.
