NIDAUG pinaagi sa knockout ang usa ka promising boxer sa Sanman Promotions nga si Dave Apolinario nga tubong Maasim, Sarangani Province batok sa pambato sa Thailand sa Flyweight Division.
Pebrero 22 didto sa nasud Japan gihimo ang away tali kay Apolinario nga may 19 ka daug ug 13 ka knockout batok kay Tanes Ongjunta.
Gikuyawan ang mga Pinoy Boxing Fans sa ikatulo nga round human naigo sa counter punch ang apapangig ni Apolinario ug natumba sa luna.
Apan may balon nga kaisog ug determinasyon ang Sanman boxer, nibarug ug nipadayon ang ataki ug sa ikaupat nga round napalukapa ang Thai boxer, nakabarug apan gitiwasan niini pinaagi sa usa ka classic right uppercut ug naulaw na mobangon ang kalaban.
Gumikan niini nisaka na ang kartada ni Apolinario sa 20 daug, 14 napatumba ug nagpabilin nga undefeated.
Sumala kay Coach Paul Apolinario igsoon ni Dave nga intense ang away ug bisan siya wala nakatuo sa resulta apan may pagsalig sa iyang manghod gumikan sa pagbansay niini. I Ver Diazon
