Bumaliskad ro sangka truck sa may Lemery, Iloilo kaina it agahun kung siin, puro mga Aklanon ro sakay.
Sa report, napueo ro sakay it nasambit nga truck kaeakip ro driver ag daywa ka menor-de-edad para kunta mag-deliver it landscape sa nasambit nga lugar.
Pero pag abot sa Lemery hay naduea-an it preno ro nasambit nga truck nga ginamanehu ni Larry Pelayo 50 anyos nga taga Brgy. Jugas, New Washington, Aklan.
Gulpi eon lang nga bumaliskad ro truck ag sa owa it swerte hay namatay ro sambilog nga menor-de-edad nga sakay kara.
Sa makarun hay padayun pang gina imbestigahan ro nasambit nga aksidente. / ANN DESLENE SALAZAR
