Naglunsar ro Philippine Army it sambilog ka preemptive strike sa kampo it mga rebeldeng grupo sa banwa it Sitio Burak Barangay Alimodias ku Disyembre 1. Raya hay agud malikawan ro plano segun it New People’s Army (NPA) nga sukubon ro sambilog ka military patrol sa Iloilo.
Disi-sais ka mga nga ginadudahan nga mga rebelde ro namatay, base sa kumpirmasyon ni Major General Benedict Arevalo, commander it Army’s 3rd Infantry Division.
Nakumpiska sa anda ro mga high-powered firearms.
Ginpangunahan it mga tropa it 61st Infantry Battalion ag 33rd Division Reconnaissance Company ro pag-atake nga ginpabaskog pa it air support gamit ro FA50 fighter jet.
Nagbuhay it pilang oras ro sagupaan. Nakumpiska sa mga rebelde ro tatlo ka M16 rifles, sambilog ka AK47 rifle, ap-at nga anti-personnel mine, tatlo ka mga detonator, sambilog ka projector, mga dokumento nga may mataas nga intelligence value, ag maeain-eain nga mga personal nga gamit.
Uwa man it nareport nga namatay o naninahan sa operasyon kahapon sa tropa it gobyerno./JIL B. LACSON
