Nakit-an nga patay ag sa advance state of decomposition ro sambilog ka endangered female green sea turtle sa baybayon it Barangay Baybay, Roxas City, Capiz.
May sukat raya nga 68.58 cm ro haba ag 54.102 cm ro eapad.
Base sa Capiz Provincial Environment and Natural Resources Office (CaPENRO), gin-eobong eun ro nasambitan nga pawikan pagkatapos gibnbuo-e ro morphometric data.
Ro mga green sea turtles (Chelonia mydas) hay ginaturing nga endangered species it International Union for Conservation of Nature’s Red List. Sa pihak dikara, ginapatay man gihapon sanda bangud sa andang karne ag itlog.
Nabuhinan ro andang numero bangud sa mga natabo nga aksidente sa pagka-stuck sa propeller it bangka, pagka-eumos bangud sa fishnet, ag pagkasamad it andang pugad bangud sa maeain-eain nga aktibidad it tawo./JIL B. LACSON
