Patay ang isang lalaki matapos itong pagbabarilin ng hindi pa nakikilalang suspek sa Barangay Malabanban Norte, Candelaria, Quezon nitong Sabado, Pebrero 17.
Kinilala ang biktimang si “Agaton”, 48-anyos na tricycle driver at residente ng Brgy. Buenavista East ng nasabing bayan.
Sa inisyal na imbestigasyon ng awtoridad, naglalakad noon sa tulay ang biktima nang dumating ang suspek saka makailang beses itong pinagbabaril na siyang naging dahilan ng pagkasawi nito.
Samantala, patuloy naman ang isinasagawang imbestigasyon ng mga awtoridad upang matukoy ang suspek at ang motibo nito sa pamamaslang sa biktima.
